José Ferreiro: Un sacerdote que deixou unha fonda pegada en Boiro

Foi o primeiro párroco do municipio que oficiou unha misa en galego


ribeira / la voz

José Ferreiro García chegou a Boiro no ano 1987 e aínda que só estivo seis anos ao cargo da parroquia de Santa Baia do municipio barbancés, o seu traballo deixou unha fonda pegada entre os seus veciños. De feito, foi o primeiro sacerdote que impartiu unha misa en galego, e aqueles que o coñeceron destacan «o seu profundo amor por Galicia, e pola igrexa».

Ferreiro naceu na parroquia de Santa María de Soutullo, en A Laracha, e tras estudar no seminario de Santiago, ordeouse sacerdote en agosto de 1959. O seu primeiro destino estivo na cidade compostelá, no Castiñeiriño, e logo de traballar noutras vilas recalou en Boiro. O cura Marcelino Sánchez coincidiu con el e destacou que era unha persoa moi querida, sinxela e humilde, ademais de moi culta. «Sabía moitísimo de historia, arte, teoloxía e filosofía», apuntou, ademais de sinalar que sempre estaba axudando ás persoas máis pobres.

A enfermidade da súa nai fixo que José Ferreiro cambiara Boiro pola parroquia de Santiago de O Burgo, en Culleredo, onde estivo traballando 23 anos ata que lle chegou a hora da xubilación. Precisamente alí celebrouse onte o seu funeral. O venres, ás 12.00 horas, terá lugar outra misa na igrexa de A Milagrosa de A Coruña oficiada polo arcebispo de Santiago.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
19 votos
Comentarios

José Ferreiro: Un sacerdote que deixou unha fonda pegada en Boiro