María Xosé Alfonso: «Este é o executivo da falta de diálogo con parte da oposición»

La Voz

BARBANZA

María Xosé Alfonso, CxG Muros CARMELA QUEIJEIRO

03 jun 2021 . Actualizado a las 05:00 h.

Avoceira de CxG, María Xosé Alfonso, amósase moi crítica coa xestión levada a cabo polo PP.

-Que balance fai deste período de mandato?

-Este é o executivo da falta de diálogo con parte da oposición. Sería importante, por unha cuestión de transparencia, que os veciños soubesen en que consiste o pacto entre PP e PSOE que hai agora.

-A que se refire?

-A que o PP ignora por completo as propostas de colaboración que lle chegan de CxG e BNG. Chegamos ao pleno e atopámonos coa imposibilidade de colaborar porque xa traen todo acordado, como pasou co orzamento.

-Como ve o orzamento?

-Os informes de intervención son desfavorables, incluso apuntan a que sería impugnable porque os ingresos están inflados. Por exemplo, figuran os importes a percibir pola piscina como si estivera aberta todo o ano, cando debido á pandemia non foi así.