Río revolto


Sección áurea

río revolto, ganancia de pescadores. Seis palabras que definen moitas situacións que vivimos a diario. A confusión e as multitudes son o caldo de cultivo perfecto para os avezados, e estamos vivindo un momento revolto, cando menos, en moitos eidos. A cambio de paradigma, novas oportunidades. Outras seis palabras que indican o mesmo, e falando do teletraballo -o traballo dende a casa- xorden novas regras de xogo no terreo laboral. Se conseguimos que os empregados traballen dende as súas casas, conseguiremos aforrar electricidade nas empresas, porque cada traballador pagará a súa enerxía. Pero tamén pagará a liña de Internet, pagará a súa auga, e talvez pagará os seus bolígrafos, folios, carpetas e o seu propio ordenador, o de conexión coa empresa.

Sobrarán os inspectores de traballo, as medidas de seguridade e saúde no traballo, porque o empresario deixa de ter responsabilidade neste campo. Aforraremos as folgas e os tempos perdidos porque a computadora contará as horas de traballo, non haberá café a media mañá, non haberá empatía entre compañeiros de traballo, porque talvez nunca cheguen a coñecerse. As empresas non precisarán estar instaladas no centro das cidades, nin sequera ter sede fixa, pode ser virtual, aforrando custosos arrendamentos ou construcións.

Se é o Goberno o que está fomentando esta modalidade de traballo e se pensa meter as poutas na relación entre empresario e empregado, debe saber que se pode teletraballar dende Portugal, Chile ou Guinea Ecuatorial. Ao fin e ao cabo, trátase de competir cos chineses, que son máis baratos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
17 votos
Comentarios

Río revolto