Encher o rural


A nova lei de rehabilitación tamén abre a porta a unha iniciativa que, aínda que non estea contemplada, é posible e apunto, por se algún alcalde quere poñela en marcha. Esta semana asistimos pasmados á noticia da ONU que sinala que o modelo do minifundio galego vai ser a clave para erradicar a fame do mundo, cando unha boa parte dos galegos abandonan o rural e denigramos o sistema minifundista herdado de séculos. Eu, que levo tempo defendendo que é posible manter vivo o rural se nos organizamos de xeito cooperativo, porque as redes contemporáneas -tanto as virtuais como as de distribución- pódennos permitir poñer un monllo de grelos na outra cara do planeta en poucas horas.

Utilizar a imaxinación e a creatividade da que presumimos como pobo, deixar a un lado o individualismo, a aproveitar as fortalezas que temos: o clima, a estrutura territorial, a auga, a nosa tradición gandeira. O artigo 62 da nova lei permítelle á Xunta declarar núcleo rural en estado de abandono a calquera das 3.562 aldeas que xa non teñen habitante ningún, facilitando actuacións integrais de rehabilitación da man de terceiros (empresas, axentes inmobiliarios) e cooperativistas organizados. Non é tan complicado, só precisa abrir rexistros de demandantes de vivenda para rehabilitar, organizalos en réxime de comunidade e acceder a préstamos sen xuros e subvencións a fondo perdido, estatais e autonómicos, talvez municipais en forma de exención de impostos. Onde escoller hai abondo, o número de aldeas baleiras aumenta progresivamente, cada semana hai unha máis e así levamos varios anos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
11 votos
Comentarios

Encher o rural