Ciencia comunicable


Kalandraka saca este magnífico libro, Viaxeiros, número 6 da colección Animais extraordinarios. Un álbum ilustrado saído das sabias mans de Xulio Gutiérrez, autor do texto, e de Nicolás Fernández, ilustrador, que repasa a vida de 12 animais salvaxes: hábitat, alimentación, reprodución, costumes, características... e migración.

Subliñamos o exquisito coidado no tratamento de texto, a ilustración, a impresión, o deseño da páxina e a edición. O mellor dos estímulos para a lectura como lecer emocional, formativo e intelectivo. Prodesse et delectare, como nos di o poeta latino Horacio.

Na liña do pedagogo Xoán A. Comenius e do seu libro ilustrado, O mundo en imaxes de seu, que xa no s. XVII baseaba a aprendizaxe na fixación da memoria visual: antes de falar, o neno sinala; e antes de escribir letras, debúxaas.

O tándem Xulio-Nicolás sabe ben que unha das características da ciencia é a de ser comunicable. Grandes divulgadores foron S. Hawking, I. Asimov, C. Sagan, Xulio Verne... Nesta liña, Viaxeiros é un texto amable e accesible, rigoroso e claro, que se fai atractivo pola fixación no cotián e no extraordinario de cada animal.

Imaxe e texto, texto e imaxe: dúas obras de arte nunha única e complementaria aperta. Ao alcance do lector máis apaixonado!

«Viaxeiros. Animais extraordinarios»

Xulio Gutiérrez e Nicolás Fdez.

(Kalandraka, 2019)

32 páxinas

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Ciencia comunicable