Unha volta


Unha volta polo medio, outra polo arredor... Esta popular pandeirada, que agora relanzou Luar na Lubre, escoitáballa eu á miña nai sendo un cativo, se ben ela cantaba que o pandeiro era de coiro de ovella e non de cacique que, por haber, xa os había, como testemuñou Castelao. Ben, o que pretendo con esta alegoría é darlle sentido á lóxica da dobre volta nas primarias do PP, un recurso do máis democrático cando un candidato non reborda a metade dos sufraxios na primeira rolda, como é o caso de marras e como se fai ata en Malí ou Romanía.

Tamén debo recoñecer que Pablo Casado mólame moito máis que Soraya, dende que o ano pasado dixo na UCV, que «...al populismo y al nacionalismo solo se les va a derrotar haciéndolos innecesarios» en clara alusión a que cómpre modificar a lei electoral de 1985. Nisto coincide con Albert Rivera, aínda que de ámbolos dous descoñecemos como conxugar as listas abertas, o principio de cada persoa un voto, garantir a distribución territorial do poder lexislativo así como a igualdade de oportunidades para participar nos asuntos públicos como reza a Constitución.

Porque non debemos esquecer que, dende a transición, o que tivemos -e seguimos tendo-, é unha democracia malpocada que vai pola mesma senda de repetir os acontecementos da Segunda República de 1931. Hoxe en día, para documentarse, non fai falla encher a casa de custosos libros de historia para decatarse de que non se soluciona nada, todo o contrario, exhumando os restos de Franco. Deben estar alí, precisamente, para disuadir a gobernantes imprudentes de que a historia se repita.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Unha volta