O recompilatorio de A Voz de Barbantia seguirá á venda nos quioscos durante un mes

La Voz

Despois de máis de dous anos e medio de espera, onte chegou aos quioscos de toda a comarca un novo recompilatorio con 25 números do suplemento cultural A Voz de Barbantia. O volume, o terceiro dos editados ata o momento, estará ao alcance dos lectores nos puntos de venda durante un mes.

Foron moitos os que xa na xornada de onte se achegaron aos quioscos e librarías habituais para facerse cun dos exemplares publicados por La Voz de Galicia e a asociación Barbantia, un libro que compila preto de trescentas colaboracións que foron vendo a luz, mes a mes, nas páxinas da edición de Barbanza do xornal. O novo volume aglutina os traballos incluídos no suplemento cultural entre xaneiro do 2010 e o pasado mes de maio, e pode adquirirse, xunto co periódico, por un prezo moi razoable: dous euros. Neste libro, aparecen reunidos os números do caderniño do 51 ao 75.

Editado nun papel de gran calidade, e en formato facsímile, dun tamaño lixeiramente inferior ao das páxinas do xornal, o recompilatorio sae de novo á rúa co obxectivo de achegar á cidadanía o traballo dos creadores e artistas, novos e consolidados, que abundan na comarca barbancesa.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

O recompilatorio de A Voz de Barbantia seguirá á venda nos quioscos durante un mes