«En Neixón o equipo arqueolóxico interactúa coa xente da parroquia»


Despois de formar parte do equipo que traballou en Neixón, o arqueólogo Manuel Antonio Franco está a rexistrar petróglifos en Muros.

-¿Como comezou nisto? -Estudei Historia e doutoreime en Prehistoria e Arqueoloxía, pero cando vin que isto era o meu foi despois de traballar nas escavacións de Neixón, en Boiro. -E logo diso, comezou a facer escavacións por varias estacións rupestres galegas, ¿como foi iso? -Si, estiven traballando para Arqueoloxía do Noroeste e con eles movinme bastante, lembro que en Pontevedra atopamos un peirao, foi na ponte do Burgo. -E de Galicia a Panamá, ¿como foi aquela experiencia? -Xurde a oportunidade no departamento de historia da facultade de facer unha escavación en Panamá, e alí estiven tres meses, en El Caño, un xacemento na provincia de Penonomé, é unha zona cerimonial, con enterramentos. Atopamos cousas incribles. -Pero de Neixón, onde comezou todo, garda un grato recordo, ¿non? -É un sitio moi especial para min. En Neixón o equipo arqueolóxico interactúa coa xente da parroquia, que colabora moito. -¿Que fai na actualidade? -Andamos rexistrando petróglifos en Muros. Tamén trazamos rotas que permitan unir as diferentes estacións perdidas polo monte.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos

«En Neixón o equipo arqueolóxico interactúa coa xente da parroquia»