Reportaxe | Unha doenza caprichosa e incomprendida Unha decena de veciños loita de forma diferente por afrontar unha das máis crueis patoloxías crónicas da actualidade
15 ene 2007 . Actualizado a las 06:00 h.A esclerose múltiple é unha doenza caprichosa e incomprensible a tenor das testemuñas dos afectados pola enfermidade. Un grupo de dez veciños de Boiro loitan a diario con moita coraxe contra esta patoloxía que cambiou por completo as súas vidas, como tamén lles ocorreu a 125 composteláns e a outras 30.000 persoas de toda España que foron diagnosticadas con esta afección do sistema nervioso. Todos coinciden en que hai moito descoñecemento sobre ela. «As sesións de fisioterapia, logopeda, neurólogos, urólogos e outros especialistas son o pan noso de cada día, así como as actividades de manualidades que nos permiten manter algunhas habilidades», salientou unha das afectadas. Apuntou que non hai curación posible, e tan só conseguen estabilizala e evitar fortes brotes da doenza cunhas inxeccións. Tamén manifestou que estase a investigar unha especie de quimioterapia, pero de momento aínda non hai resultados positivos. As causas da esclerose múltiple son descoñecidas e se desenvolve paulatinamente. A perda do equilibrio e da fala, e a vista dobre son algúns dos síntomas máis frecuentes. Estes xorden un día e logo pasan varias xornadas sen sinais da patoloxía, pero segundo transcorre o tempo fanse máis continuos. Prodúcese á idades temperás e con máis casos de mulleres. En Boiro son sete fronte a tres. Mentres a maioría opta por illarse e ocultarlle á sociedade que padece esclerose múltiple, un grupo reducido cree que o mellor é plantarlle cara á enfermidade. Nestes intres, a Asociación Compostelá de Esclerose Múltiple (ACEM) xestiona ante as Administracións e outras entidades a compra dun local que funcione de centro de día en Santiago para que estean os afectados que non teñen onde ir, e unha persoa que lles atenda.