RAMÓN ÁLVAREZ DE LA BRAÑA
27 abr 2006 . Actualizado a las 07:00 h.En 1906 morre en Madrid o arquiveiro Álvarez de la Braña, que nacera en 1837, cando seu pai, de orixe asturiana, era xuíz nesta vila. Autor de numerosos traballos eruditos, propios da súa especialidade, entre os que destacan os volumes Biblioteca legionense (1884) e Siglas y abreviaturas latinas con su significado y un catálogo de las que usaban en los documentos pontificios , colaborou en numerosas revistas e xornais, procurando unir rigor e divulgación, e así a súa sinatura aparece en La Ilustración Española y Americana ou na Revista Hispanoamericana . Pero foi tamén narrador, como é natural, con preferencia polos asuntos do pasado, como amosan as novelas Roland e Don Gutierre , aínda que os libros que lle deron máis fama foron os que pertencen á literatura de viaxes, sinaladamente os titulados Guía del viajero en Santiago (1876, 1885), recentemente reeditada, e Galicia, León y Asturias (1894). Interesouse polo galego, e en 1863 comezou a publicar unha Gramática y vocabulario del dialecto gallego , que ficou incompleta.