O BNG denuncia o mal funcionamento dos caixeiros automáticos de Carril e Vilaxoán
VILAGARCÍA / LA VOZ
VILAGARCÍA DE AROUSA
A formación argumenta que de ningún xeito substitúen a atención persoal e que, a diferenza dos do centro da cidade, non permiten ingresar cartos
23 oct 2024 . Actualizado a las 05:00 h.O BNG de Vilagarcía denunciou onte o mal funcionamento dos caixeiros automáticos que ficaron en Carril e Vilaxoán logo do peche das sucursais físicas de Abanca, hai dous anos. Entre outras cuestións, a formación alerta de que eses dispositivos non permiten ingresar cartos, como si o fan os caixeiros do centro da cidade. O Bloque subliña, ademais, que os aparatos están vellos e padecen continuas avarías que non se resolven ata pasados varios días.