As de Juan Costas superan o Siero, 38-30, e sitúanse cuartos na clasificación
07 feb 2023 . Actualizado a las 05:00 h.O Inelsa Solar Asmubal Meaño sumou o pasado sábado o seu quinto triunfo nas seis últimas xornadas da Liga de División de Honra Prata Feminina de balonmán. Ante un rival que pelexa pola permanencia, o Siero Deportivo Balonmano, as de Juan Costas impuxéronse con solvencia 38-30, selando deste xeito de forma matemática a súa continuidade na categoría a falta inda dun terzo do campionato regular. Cuarto clasificado a 1 punto do segundo, o Asmubal pode deixar voar agora a imaxinación e dedicar os seus esforzos a pelexar polo segundo pasaporte á vindeira fase de ascenso.
Tras un cuarto de hora igualado polos desaxustes defensivos das locais, o equipo meañés tomou o control do marcador fronte ao Siero e mediado o primeiro tempo puxo dirección ao triunfo (19-14 ao descanso).
FICHA DEL PARTIDO:
INELSA SOLAR ASMUBAL MEAÑO (38): Lorena Ligero, Andrea Cores (2), Sofía Arangio (6), Eli Méndez (10), Vanesa Domínguez (2), Sabela Miniño (1) e Cárol Ferreira (4) —septeto titular—; Lucía Caneda, María Currás (3), María del Carmen Vera, Laura Miniño (9) e Paula Rey (1).
SIERO DEPORTIVO (30): Aída Fernández, Laura Gutiérrez (3), Laura Pérez (1), Luna Rodríguez (4), Julia Baizán (11), Aída Rodríguez (6) e Lucía Parajón (2) —septeto titular—; Raquel García, Marta Rojas, Paloma Calvo (1), María Alonso, Sara Amandi, Carla Mesa (2) e Lola Rodríguez.
MARCADOR CADA CINCO MINUTOS: 3-2, 4-5, 8-7, 12-9, 16-11, 19-14 (ao descanso); 23-16, 26-20, 28-23, 30-24, 33-28 e 38-30 (resultado final).
ÁRBITROS E EXCLUSIÓNS: Pedro Naranjo e Álvaro Palop. Castigaron con 2 minutos as xogadoras locais María Currás (min 51.45), Sofía Arangio (min 54.36) e Laura Miniño (min 57.55); e as visitantes Julia Baizán (min 15.47), Lucía Parajón (min 23.04) e Paloma Calvo (46.05). Descalificante directa para Luna Rodriguez (min 58.32).