Os xogadores do A Marina disputan hoxe o partido central da xornada do Club Xadrez Fontecarmoa. Asentado nos postos de ascenso, con cinco victorias e un empate na última media ducia de xornadas, o A Marina agarda prolongar a súa gran traxectoria a costa do Caballo de Troya pontevedrés.
O Club Xadrez Fontecarmoa completa a súa fin de semana cos seguintes compromisos: Alekhine Tempu Correduría de Vigo-CXF Casa da Xuventude (Primeira B); Manuel Morales de Bueu-Restaurante A Pedra, EXP C-CXF Caixanova, e CXF Limpiezas All Cleaning-Peóns Dobrados (Terceira H); CXF Autobuses Pereira-Portas Xadrez, e CXF Porto de Vilagarcía-CXF Caixa Galicia (Cuarta B).
Concluídas as ligas dos grupos C e E da Terceira División, o C.X. Fontecarmoa ten xa no seu haber os ascensos do Baños Print (campión do grupo C), McDonalds (campión do E) e Sold Out (terceiro do E). O Valdumia (sexto do grupo C) e o Deportes Rodas (quinto do E) manteñen a categoría.