Alá polo 1969, Carlos Puga andaba por Cataluña. Foi alí onde tivo o seu primeiro contacto cos cogomelos. Dez anos despois, en Vilagarcía celebráronse unhas charlas sobre o asunto e velaí xurdiu a idea de formar unha asociación micolóxica. É A Cantarela, que hoxe preside Puga e que está de actualidade porque chegou o seu tempo.
-Moito tempo de cogomelos non está, non si?
-A cousa está moi mal pola seca. A ver si cambia o tempo i en vinte días xa teremos cogomelos.
-A charla que hoxe (20.30) da no Concello de Catoira leva por título «Introdución á micoloxía». A min paréceme que compre ir paseniño neste eido.
-O que está claro é que os libros so non serven. Hai que ir ás charlas, que é onde se aprende a diferencialas. E hai que fixarse en todas as partes das setas.
-Pero por aquí hai risco?
-En tódolos sitios hai riscos. Aquí aparecen as Amanitas Phaloides, por exemplo.
-Cales son as mellores zonas para atopar os cogomelos?
-Antes había en Xiabre e en Lobeira, pero as mellores zonas queimáronse. Tamén había na Lanzada, pero tamén amolouse esa zona.
-A recollida da seta tampouco pode ser indiscriminada...
-Hai que procurar deixar o sitio onde se atopa o cogomelo como estaba antes de que nós estivéramos por alí.