CON GOTAS
26 oct 2006 . Actualizado a las 07:00 h.NON HAI risco de que atrás das súas palabras se agochen satánicas intencións de desmembrar a nación, nin intentos de render o Estado ao pe de ninguén, nin sequera de envorcar sobre as nosas fronteiras vagas de miserentos habitantes do inframundo. Richard Ernst é suízo, foi premio Nobel de Química en 1991 e onte falou en Compostela. As súas reflexións, liberadas da polarización política que determinados elementos querer impor ata nos anuncios de cola cao, golpean coma puños. Os avances médicos, advertiu o conferenciante, só están ao alcance dos máis ricos. O consumo é a única bandeira e Occidente conságrase ao malgaste por puro pracer. Entrementres, eses farrapentos africanos amoréanse ás portas da recepción do embaixador, agardando unhas mingallas de Ferrero Rocher. Que vulgares, Isabel, chica. Que los echen.