? Rasoeiro de Quito Parada estreouse oficialmente o pasado sábado cun triunfo sobre o Camariñas no primeiro partido da Copa de Segunda Nacional. Na súa cancha, o conxunto meco dominou o encontro desde o primeiro minuto, dispoñendo practicamente sempre de cómodas vantaxes de entre 3 e 5 goles. Tralo tímido acercamento a dous tantos (10-8 e 12-10) ao borde do descanso, o Camariñas non deu máis guerra nun choque caracterizado polas numerosas imprecisións tanto dun como doutro contrincante. Os ataques superaron as defensas e a maior calidade do porteiro local, Solla, desnivelou a balanza, propiciando máis e mellores contras para o seu equipo. Agora, o Rasoeiro preparará o segundo duelo da fase previa da Copa, o domingo en Narón contra o Minuetto.