Será no centro social Xebra e estará acompañado polo profesor Bernardo Penabade
06 ene 2025 . Actualizado a las 15:41 h.Lionel Rexes, escritor afincado en Alfoz, presentará en Burela o sábado 11 de xaneiro, ás 12 horas,a súa última novela, «A montaña do poeta» (Ed. Xerais), galardoada co premio de novela curta Manuel Lueiro Rey. Na obra, Rexes explora o vínculo do poeta Noriega Varela cunha antiga construción de Alfoz.
O acto de presentación do libro terá lugar no centro social Xebra, na rúa Leandro Cucurny, 19, en Burela. Estará acompañado polo profesor Bernardo Penabade. Á presentación seguiralle un coloquio.