«¡Soy yo y la catedral!», dixo a raíña

O canteiro mindoniense elaborou un relevo en cuarcita para a raíña Letizia


mondoñedo / la voz

Fernando Vilariño, canteiro afincado en Mondoñedo e coñecido simplemente como O Canteiro dos Muíños ou, a través de Facebook, como Punteiradas Viladepedra, saltou estes días ós medios polo agasallo que lle fixo á Raíña Dona Letizia, durante a súa visita a Mondoñedo.

-¿De quen partiu a idea do obsequio?

-Foi unha cousa persoal miña; quixen facerlle un detalle, pois a ocasión era para iso. Sobre todo, a idea era darlle un produto de aquí, artesán e poñer en valor os recursos que temos en Mondoñedo e, ó mesmo tempo, se me serve a min de promoción, moito mellor.

-Explíqueme o traballo que lle fixo á Raíña

-É un releve en cuarcita, é un dos típicos traballos que adoito facer. Eu traballo en granito e en cuarcita; en cuarcita fago releves e baixoreleves.

-¿Inspirouse a partir dunha foto?

-Si, entrei en Google, busquei imaxes dela e escollín a foto que me parecía máis axeitada para poder representala nese formato. A foto que máis me gustou e a que mellor resultado me deu, plasmeina.

-¿Entregoullo vostede ou o fixo outra persoa no seu nome?

-A idea miña era poder entregarllo eu e poder facerme unha foto cun persoeiro relevante, que me valería para ter no meu museo, no meu taller, pero tiven que seguir o protocolo e entregalo no Concello; os operarios do Concello foron os encargados de facerllo chegar.

-¿Sabe si lle gustou?

-Polo que puiden saber, dixo que lle gustara e que se recoñecera, que dixera ‘si, si, esta soy yo y la catedral’. Nese tipo de traballo, para min o obxectivo é que a persoa se recoñeza. É un material complicado, non é unha foto, é pedra.

-Ten idea de onde o colocará.

-A verdade é que non. Non sei onde acabará, a min pedíronme uns datos e unha ficha técnica miña; imaxino que me mandarán unha notificación de recoñecemento como adoitan facer cando lle fan ese tipo de agasallos, polo que eu sei.

-Certamente, leva unha variedade de produtos de Mondoñedo moi distintos, ¿non?

-Pois si, polo que puiden saber, leva dende unha simple flor que lle puido entregar unha persoa a pé, a unha reprodución da catedral de Sargadelos, a uns tomates, representativos da horta mindoniense; outra maneira de por en valor outro recurso que temos.

-Sería o persoeiro máis destacado que esculpiu.

-Si, de momento, si. Nunca un traballo destas características fixera. Traballo moito para xente de a pé, para vodas, detalles de homenaxes; iso si, teño feito releves, dende Cunqueiro ata persoeiros ilustres da vida mindoniense en moitos campos, pero un persoeiro tan ilustre coma a Raíña, non.

-¿Levoulle moito tempo facelo?

-Pois é un traballo que che fai falla un par de días, entre que escolles a foto, a preparas para levala a ese formato de pedra, leva un par de días, logo hai que escoller un fondo de madeira, que leva un soporte de madeira...

-¿Quedou contento?

-Eu contento? Si; a verdade é que son o maior crítico do meu traballo. Pero gústame os comentarios da xente; tivo repercusión e a todo o mudo lle gustou, entón eu estou contento porque gustou o meu traballo; de feito na páxina que utilizo para subir os meus traballos: punteiradas viladepedra, aí tiven multitude de comentarios, e todos positivos ‘precioso, qué bonito...’. En unhas horas houbo unhas sete mil visualizacións do traballo (...).

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
8 votos
Comentarios

«¡Soy yo y la catedral!», dixo a raíña