LA TRIBUNA | O |
29 abr 2005 . Actualizado a las 07:00 h.A TARTA non é grande de abondo para repartila entre tantos comensais. Moitas bocas anceian un doce que finalmente só poderán catar uns poucos. Os nomeados serán o cartel electoral dos partidos. Aos que se embarcan en primeira liña da liorta electoral hai, como mínimo, que recoñecerlles o mérito de dar a cara. A partir de aí caben moitas preguntas, para as que cada quen terá a súa resposta. ¿Como ou quen designa aos candidatos? ¿Que criterios se seguen para nomealos? ¿Os aspirantes con máis probabilidades de saír son os mellores dos seus partidos? ¿Hai algunha garantía de que defenderán os intereses colectivos? ¿A acta de parlamentario garante que vaian a traballar? Agora que abondan as quinielas electorais, soan nomes e fanse propostas, pero haberá que agardar para ver cantos mariñáns concorren con opcións de ser deputados. Ao apostar publicamente por Balseiro, o PP comarcal agarda ser escoitado. ¿Será Ismael Rego o único mariñán con opcións no PSOE? ¿Incluirá o BNG a alguén da bisbarra como segundo da lista?