A edición na capital arxentina de Yo, emigrante nace no seo de dúas entidades que non queren que se esqueza aos devanceiros que cruzaron o mar.
26 jul 2011 . Actualizado a las 10:42 h.A recente edición na capital arxentina de Yo, emigrante merece todos os recoñecementos. O libro nace no seo de dúas entidades que non queren que se esqueza aos devanceiros que cruzaron o mar para encher de agarimo as lonxanas rúas de Bos Aires. A unidade de esforzos e os sentimentos comúns das asociacións Hijos del Ayuntamiento de Zas e Santa Comba de Xallas en Buenos Aires fixo posible que teñamos na man 232 páxinas onde son os propios protagonistas os que contan a súa historia emigrante. As alegrías e as penas son as mesmas veñamos da beira do río Xallas o da beira do río Grande. A morriña dos pais e avós non fai distincións entre parroquias. Os descendentes son herdeiros dun legado común que reborda calquera lindeiro territorial que se queira establecer.
As catro mulleres que se encargaron da coordinación editorial -Alejandra, Beatriz, Juana e María- son agradecidas. Queren facer constar que recibiron moito amor familiar e que medraron sen que nunca faltase un anaco de pan na mesa e un bico pola noite antes de durmir. As aldeas e as paisaxes de Santa Comba e de Zas son súas tamén xa que as levan no corazón. Eran nenas felices que ao mesmo tempo que facían unha rayuela na vereda de Avellaneda oían nomes que lles soaban máxicos -brétema, lareira, leira, fonte, millo, molete, xesta- que se ían sumando en forte amálgama coas vivencias porteñas. Dos ejemplos de lo que representa el libro: «Soñaban con emigrar y al dejar su tierra perdían parte de su identidad, eran extranjeros en América y forasteros en su lugar de origen. Por eso fue tan doloroso para muchos gallegos aceptar esa dualidad: «gallego» en América y «americano» en Galicia». [Delfina, páx. 157]. «El agua del Río de la Plata se llevó las cenizas de un gallego que para esa sobrina nieta, que se crió a su lado, no fue un gallego cualquiera. Fue uno de los tantos inmigrantes que colaboró en la tarea minuciosa y perseverante, de crear y hacer grande a la Patria donde ella nació y que honra a la Galicia que lo vio nacer». [Elena, páx. 78].