28 ago 2014 . Actualizado a las 07:00 h.
Lémbraste de cando estabamos na nosa pequena illa no medio do mar, esa illa que non tiña nin tres quilómetros pero que era o noso lugar de evasión?
Lémbraste dos nosos corpos espidos, xuntos, dourados, mollados?
Recordas cando acariñabas cos teus pés todo o meu corpo e me susurrabas ao ouvido cousas que somentes ti e mais eu sabiamos?
Segues rememorando aqueles momentos nos que soñabamos con cambiar o mundo, con viaxar, con non ser coma os nosos pais, con ser aínda máis felices do que eramos?
Aínda evocas con tristura a fin daquel verán no que nos tivemos que separar?
Lémbraste, recordas, rememoras, evocas...? Porque eu... eu... xa non me lembro de nada!
Marta Carro Pérez (Oviedo, 17 anos).