Si discrimina ás nenas


Discrimina desde o momento en que o fútbol feminino non é actividade profesional, que non se televisa o fútbol xogado por mulleres e que no recreo é un xogo maioritariamente masculino, aínda que as nenas tamén vexan os partidos, sigan ás estrelas e xoguen á quiniela, pasivamente. Discrimina, mesmo espacialmente: ¿que mensaxe lanza un patio ocupado nun 80 % por dúas ducias de rapaces xogando ao fútbol mentres o resto (nenas e rariños) miran desde as marxes? O que me estraña é que, neste mundo do politicamente correcto, de utilización en van da palabra igualdade, se tardase tanto en caer na conta de que o fútbol no recreo é o reflexo infantil desta sociedade machista que aínda separa roles e fomenta eses valores noxentos (si) que tamén están nese deporte de multimillonarios agresivos e caprichosos, cuxa desvinculación coa cultura é flagrante. Non parece o mellor exemplo para o patio. Pero aínda me estraña máis esa hipocrisía dos que, no fondo, non atrevéndose a defender estes valores dubidosamente educativos do fútbol, aducen a necesidade de que os nenos fagan deporte, coma se non houbese espazos para a educación física. En fin, como din as mestras e os mestres, o patio é de todos. Igual ca o ensino. E no recreo, contra o que moitos pensan, a educación das nosas fillas non queda en suspenso.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
57 votos
Tags

Si discrimina ás nenas