Na romaría padronesa do Santiaguiño do Monte apenas houbo participación
U. lópez
O día do non Santiaguiño de Padrón non cumpriu nin as expectativas menos optimistas, xa que apenas houbo ambiente na vila e practicamente ningún no monte, no que fixeron a súa propia romaría pouco máis que un par de grupos de amigos e unha familia, a dos Castaño, das máis fieis ao 25 de xullo.
O monte foi, onte, para estes grupos que quixeron «cumprir coa tradición» do 25 de xullo, tal e como dixo un dos asistentes e que botou de menos que non se celebrase un acto relixioso na pequena capela do monte, no que sorprendía a tranquilidade.
