«Os universitarios son iguais que os de antes, só que son menos»

PROPIETARIO DO CAFÉ UNIVERSAL


santiago

Dous grupos de estudantes toman cocacolas e cervexa na terraza. Para moitos matriculados en Historia, trátase da outra facultade. Cómpre so cruzar a rúa. Dentro, Pepe Conde, propietario do café Universal, deixa caer moitas olladas ao periódico a través duns lentes no baixo do nariz.-¿A cantas xeracións de estudantes serviu vostede cafés? Bótelle a conta, abrín no 89. A cinco anos por licenciatura... -Atopa algunha diferenza entre os estudantes de agora e os de antes? -Son iguais, só que son menos. -¿Son os principais clientes? -Si. A maioría son estudantes. -E á hora de poñer notas, ¿vostede como cualifica estes anos? -Estou moi contento, poríalle como mínimo un sete ou un oito. -¿Iso é un notable tamén para vostede? -¿Para min? Non, non. A min poñeríame menos nota. -¿Dos anos deste café con historia, con que momentos se queda? -Non se me ocorre. O que si é certo é que visitaron o café moitas personalidades coñecidas. Ademais, os reitores, profesores e decanos. Hai pouco estivo aquí... a presentadora de Mira quien baila! -Anne Igartiburu. -Iso. Quen era un cliente habitual era Luis Mariño, unha persoa moi intelixente que conseguía todo canto se propoñía. Sentaba aí, sempre, xusto aí.

Conoce nuestra newsletter con toda la actualidad de Santiago

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos

«Os universitarios son iguais que os de antes, só que son menos»