28 feb 2007 . Actualizado a las 06:00 h.
As cadeas de supermercados Lorenzo Froiz e Mercadona colaboran co programa Aprende mercando, organizado pola Concellaría de Promoción Económica e Comercio para iniciar aos rapaces de entre 9 e 12 anos no consumo responsable. Os pequenos irán en excursións organizadas polos centros escolares a dous espazos simulados nos que os supermercados colaboradores ofertarán os seus produtos. As recreacións estarán na Fundación Torrente Ballester, na Rúa do Vilar, e no Centro Sociocultural do Ensanche, do 26 ao 31 de marzo. Os escolares poderán xogar e, ao tempo, aprender a mercar. A iniciativa forma parte da campaña de dinamización comercial bautizada como Marzo, mes do comercio.