A recuperación deste conxunto de madeira de nogueira está sendo posible gracias ao empeño do cabildo, e nomeadamente do director da comisión de cultura e do museo catedralicio, o coengo Alejandro Barral. Pero sobre todo porque a Fundación Caixa Galicia accedeu a financiar o árduo, laborioso e costosísimo proceso. O técnico de Atlas encargado da restauración, Miguel Suárez, contou co asesoramento dun dos maiores especialistas en coros que existe, Andrés Rosende, profesor da Universidade de Santiago. Só se perderon sete sitiais dos 77 orixinais con que contaba este coro, ademais doutros seis voladizos, con cornisa pero sen asento. Na montaxe de San Martiño vai recuperar as portas que perdeu nos traslados, reproducidas pola documentación que existe. En todo caso, tódalas pezas novas diferéncianse porque fanas en castiñeiro e copian o volume, non a talla.