A inauguración este venres da Mostra da Escola de Cantería no Xaime Illa Couto de Raxó foi o prólogo do arranque das Festas de San Xoán de Poio, unha cita que «deixa atrás as restricións pola pandemia». Así o anunciou onte Xosé Luís Martínez, concelleiro de Festexos, quen destacou que o programa dos festexos «é atractivo. É un programa para que as Festas de San Xoán volvan ser un referente da nosa bisbarra e que sexan o pistoletazo de saída do que será o programa Verán en Poio».
Deste xeito, as festas arrancarán o 22 de xuño coa lectura do pregón a cargo de Quico Cadaval dende o balcón da casa consistorial. Previamente, haberá un desfile e foliada ancestral, así como se recuperará a entrega de premios do concurso de carteis de San Xoán e os Premios do Deporte correspondente ás dúas últimas tempadas. Nesta mesma xornada, unha actuación de Nelson Quinteiro coa Asociación Cultural Máis Cantos dará paso á degustación de cen quilos de rosca e de trescentos litros de viño.
Ao día seguinte, en el que se procederá ao prendido de las fogueiras, a asociación Ronsel realizará unha saída para recoller as herbas coas que elaborar o tradicional cacho, mentres que en A Seca se celebrará unha «gran sardiñada repartir 350 quilos de sardiñas acompañadas con pan de millo e viño do país», precisou Xosé Luís Martínez.
Pola súa banda, o alcalde Luciano Sobral invitou a gozar dunhas festas que «son o emblema do noso concello», así como a saltar a fogueira «porque hai moitas meigas e moitas historias que debemos queimar. Aproveitar a fogueira para queimar esas malas historias que, dalgunha maneira, sempre nos acompañan e que mellor que a fogueira para queimar este demo de covid que nos acompañou durante estes anos».
CC A Barca
Por outra banda, este mesmo venres, o CC A Barca iniciou a súa programación propia de San Xoán co espectáculo «O asteroide de papel».