O lanzamento da última entrega de Harry Potter fixo que onte moitos pontevedreses se achegaran ata as librerías onde a maioría reservara o seu exemplar. Non houbo colas, pero ás 18,30 horas, a fixada para a posta a venda da novela, o goteo foi continuo en moitos establecementos, a pesar dos 22 euros que custaba.
Na céntrica librería Michelena os compradores máis madrugadores foron adolescentes. A primeira en facerse cun exemplar de Harry Potter e as reliquias da morte foi Sara Montero, que levou dous libros, un para ela e outro para o seu noivo, para que non houbera problemas coa lectura e cada un poda ir ao seu ritmo.
Tras dela, Tamara Conde, David Rodríguez e Alberto García coincidiron adquirindo o libro, todos en castelán por certo, aínda que indicaron que lles daba igual.