05 abr 2009 . Actualizado a las 02:00 h.
Os textos de Leoncio Fernández están cargados do pesimismo dunha vida dura, como el mesmo confesa. Aínda que nos seus traballos actuais tende ao «humorístico». -Algúns familiares e amigos que leron as obras din que son pesimistas, e incluso me dixeron que me podían facer dano porque denuncio moito a política. -¿De que maneira? -Maniféstome contra isto da política conservadora e da desigualdade que hai no mundo, das guerras innecesarias que se forman, porque só traen destrución, vinganzas e morte. -Temas a nivel global, pero tamén hai referencias á terra, a Valdeorras. -Si, sobre todo falo do lugar de A Barxa, que foi onde me criei, onde pasei a miña vida e onde sigo vivindo.