Na celebración da Insua dos Poetas participaron nove centros educativos
19 mar 2026 . Actualizado a las 05:00 h.A Insua dos Poetas, no Carballiño, foi escenario este mércores dun acto para celebrar tres días mundiais dunha soa vez, o da poesía, o da árbore e o da auga. Trátase dunha actividade que cumpriu este ano a súa edición número dezaseis e que contou, nesta ocasión, coa participación de nove centros educativos da comarca carballiñesa e da capital ourensá. O alumnado de primaria, ESO e bacharelato presentou actuacións musicais, recitais de poemas e pequenas representacións teatrais.
Esta edición de 2026 estivo dedicada a Ramón Otero Pedrayo no 50 aniversario do seu falecemento. Ademais das actuacións dos escolares, houbo unha plantación de árbores autóctonas, tamén a cargo dos alumnos. Na actividade participaron sete colexios da comarca do Carballiño: CEIP Calvo Sotelo, Nosa Señora de Xuvencos, Virxe da Pena da Sela, CPI Virxa da Saleta, CPI Terras de Maside, CPR Vila do Arenteiro e o IES Manuel Chamoso Lamas. Desde Ourense capital foron o CEIP Amadeo Roodríguez Barroso e o Virxe de Covadonga.