«Hai persoas que son de partido e un caso claro é o de Vázquez Barquero»

Rodríguez Villarino non descarta ser el quen encabece a candidatura pero di que non é o momento de plantexalo


Ourense

O seu nome soou con forza como posible aspirante nas primarias que finalmente gañou Barquero, pero Rafael Rodríguez Villarino non se presentou daquela. Hai que ter en conta que a súa designación como secretario provincial do PSOE estaba aínda recente e someterse a un proceso como ese podería desgastar o seu liderado. Agora o seu nome volve soar como posible relevo de Barquero trala dimisión deste, pero Villarino prefire ser cauto.

-Que opina da decisión que tomou o ata o de agora candidato?

-É unha decisión persoal e moi respectable e teño que destacar que a tomase cun gusto exquisito cara o partido. Recoñezo o seu talante e respéctoo.

-Quere dicir que esta baixa foi menos traumática que as que viviu o partido nestas últimas semanas, as dos afíns a Pachi Vázquez?

-Hai persoas que son de partido e un caso claro é o de Vázquez Barquero, que debería servirnos a todos de exemplo de actitude cando decidimos apartarnos nun momento dado da actividade política. El botouse a un lado dun xeito moi elegante.

-O certo é que intúese un certo malestar pola alteración das listas. Tejerina tamén dimitiu e Eva Maldonado renunciou ás listas.

-Son reacciones individuais pero non xeneralizadas. Con respecto a Tejerina, ten unha explicación desde o punto de vista persoal. El xa dixera que so seguía por lealdade a Barquero e, cando este se bota a un lado, el fai o mesmo. Con Eva o malestar entendo que é máis contra o propio procedemento, pero todos sabemos, e ela tamén o sabe, que a militancia o que fai son propostas, pero que a decisión en última instancia é do partido. A súa reacción é comprensible porque ía como número uno e queda no tres, pero os modos son menos desculpables. Estou seguro de que ela xa fixo unha reflexión sobre iso e que xa non actuaría dese xeito. En todo caso, non son correntes, son casos persoais.

-Prevense reunións das direccións local e provincial para propoñer nomes. Como pensa resolverse esta crise?

-O partido ten que tomar unha decisión que sexa consensuada desde o nivel local, pasando polo provincial, o galego e ata o federal. O máis importante é que todo o mundo estea de acordo.

-Pode pasar a solución por vostede mesmo?

-A solución non pasa por unha persoa concreta. O primeiro é que a persoa elixida teña o apoio incondicional do partido. Temos que buscar unha persoa que teña un compromiso inequívoco co partido, que sexa unha alternativa sólida e consistente e, sobre todo, que satisfaga a todo o partido.

-Pero, pensou vostede na posibilidade de encabezar a lista en Ourense?

-Eu son o alcalde de Amoeiro e teño a designación como candidato alí. Os partidos ás veces encargan misións que poden ser aceptadas ou non, pero agora non é o momento de dilucidalo. Non é o momento de plantexar iso.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

«Hai persoas que son de partido e un caso claro é o de Vázquez Barquero»