Entroido ES 32000


Volta a sardiña á terra, desta vai a boa; estou convencido, de esta vai a boa, desta cinza fecunda agromará o entroido do 2019. Quen é entroideiro, aínda nun domingo de piñata, xa lle falta tempo para preparar o seguinte, sempre quedan detalles. Aos espectadores pásannos por alto, a fita que quedou mais longa que as demais, o axóuxere que se perdeu nunha carreira, o pespunte desfiado, ou o rito de devolver as chocas aos veciños para ir a recollelos o ano que vén. E se hai entroido... hai coáresma. Quen queira escapar da dualidade vai aviado. Se antes era unha labazada a dúas mans, na vida eterna e na do pan diario, agora a Lei Orgánica 4/2015 coñecida por lei Mordaza, ocupa todo o espazo. Baixo esta lei rebánase a esperanza e xera unha incertidume na xente que confronta ao poder estabelecido. Baixo esta lei, prohibir o entroido, un tris. Mascarada de tempos grises é a que están a sufrir artistas plásticos, escritores de dúas frases, cantantes e actores. Un escenario que se asemella ao de fai 60 anos. A represión contra as formas do entroido xa se comeza a soster xuridicamente, exemplos hai varios. Unha das realidades que mantivo os entroidos da provincia foi o das parroquias illadas ás que as forzas da orde non chegaban, por medios escasos. Preparémonos, o 4G xa chega ao macizo ourensán. ¿Levaranos esta necesidade á virtude? ¿Seremos quen de buscar o xeito de burlar as leis que impiden virar o orden económico por catro días? Coido que non. Coido que o camiño vai cara unha homoxénea cinzarrada, onde uns serán a «capital do» e outros «Traditional rural carnival», mentres os poucos veciños que quedan poñendo unhas roupas vellas e pendurando un meco non se veran reflexados no espello da televisión, e faranse a pregunta: ¿continuar, para que? Eu afirmo que é necesario que a administración invisible non deixe esmorecer calquera entroido, sexa dun veciño ou de mil. Recollo as palabras do discurso do Papa Francisco na última viaxe a Latinoamérica, na misa millonaria de Lima, onde a identidade cultural é unha carga: «Mozas e mozos, por favor, non se desarraiguen. Avós e anciáns, non deixen de transmitir ás novas xeracións as raíces do seu pobo».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Entroido ES 32000