Agosto


Agosto é o mes das mil festas. É o mes das vacacións (para moitos). É o mes dos reencontros familiares. É o mes do terraceo. É o mes de ver aos amigos que están fóra. É o mes de moitas cousas positivas. Pero non é o mes de sacar a reforma dunha lei sanitaria. Si que o é para a Xunta, que niso anda, pero non parece que sexa o mellor momento. Xa pasou fai uns anos, cando se eliminaron varias áreas sanitarias e Valdeorras quedou con ela pero sen orzamento propio. E agora volve pasar cando queren quitar a área para deixala en distrito. Escoller agosto semella facer as cousas a sabendas de que non van ter aceptación e non están ben feitas... «Como a xente está de vacacións, a ver se non se sabe e daquela imos librando», parece que pensaron en Compostela. Unha lei que sen dúbida toca un dos temas (xunto coa educación) máis importantes para a sociedade, non admite alegacións... só suxestións. Que iso queda moi ben, pero soa tamén a mofa. Porque se xa unha alegación pode o Parlamento coa súa maioría desbotala con só levantar a man ou premer un botón; unha suxestión é que nin sequera pasa ese trámite. «Que si, que moi ben o que suxires, pero non», pensarán dicir desde Compostela. Miren, o de facer suxestións que van á caixa do lixo de maneira directa (ou iso é o que facer) parece máis un xogo de nenos que unha cuestión seria. Andan en Valdeorras falando de botarse á rúa para defender o que teñen. Porque non se pide mellorar (vale que ás veces si), senón que semella que van ter que manifestarse para conservar o que teñen. E despois din desde o goberno de Santiago que apostan polo rural. En agosto non.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Agosto