DIARIO DE AURIA | O |
18 dic 2004 . Actualizado a las 06:00 h.DESCULPARÁ Antonio Vallejo que copie o título e, con cariño, rebata a súa argumentación. No artigo do pasado mércores o astuto columnista utilizaba todos os seus recursos discursivos, que son moitos, para menosprezar a Anxo Quintana e ao BNG. O asunto: os presupostos do Estado. Nunca estivo tan atinado o BNG. Nin tan lúcido, coherente e responsable Anxo Quintana. Porque, ao final, isto é un asunto de coherencia: defender os intereses de Galiza e desta provincia. O Pesoe tiña ocasión de amosar a súa estima (que me consta na militancia) por esta terra. Non a aproveitou. E non se trata de aumentar un corenta, sesenta, (vinte, din no Pepé) os presupostos. Trátase de actuar coa coherencia, e dignidade, que actuou o BNG. Porque se o Pesoe amaña nun plisplás a débeda histórica con Andalucía, e nun plisplás engrandece a coxuntura electoral e histórica (Carod) en Cataluña, con máis motivo debe atender a débeda infinita, pre-histórica, que manteñen con Galiza. E iso non se amaña, nin sequera, dobrando os presupostos do Estado. Por ese motivo, Quin estivo á altura deste país. E, de paso, á altura de si mesmo: o mellor xestor político (Allariz) dos últimos anos en Galiza. Y eso, y no otra cosa, es lo que debe saberse, querido Antonio.