Suscríbete 1 año y te regalamos 140 días gratis
Quiero la oferta

O profundo é o mar

Xerardo Estévez
Xerardo Estévez PAISAXES E PALABRAS

OPINIÓN

denis e. f.

20 nov 2021 . Actualizado a las 05:00 h.

O mar é o máis profundo. Abrangue o rostro de Galicia en liñas abruptas e orelas areosas, enfrontándose a América e tendo como compañeiro de viaxe a Portugal. Ese mar que tanta riqueza ten xerado e polo que tamén se fuxiu, máis veces por necesidade que por ansia de aventuras.

Entre amigos é adoito falar da procedencia de cadaquén e podemos comprobar como, a tiro dunha ou dúas xeracións, case todos temos as raíces na Galicia rural. Así foi o crecemento acelerado das cidades nos anos 60 e 70 do século pasado, cando se intensificaron as vagas de migrantes interiores, uns para incorporárense aos continxentes da industria, traendo canda si o campo, combinando o traballo asalariado coa agricultura a tempo parcial nun fenómeno que demos en chamar rururbano e normalmente con división por xénero: a muller na casa e no eido, o home na fábrica. Outros, máis ousados, introducíronse no sector inmobiliario, acordando cos antigos propietarios urbanos e cos concellos predemocráticos o novo ensanchismo, antiurbanístico e sen ningunha aspiración estética, lonxe daquela burguesía local con afán de distinción que, sen renunciar ao negocio, foi quen de poboar os ensanches con edificios distinguidos, moitos desaparecidos para deixar sitio a esoutros fitos especulativos do desarrollismo.

Xa contra o cambio de século, como acontecera en todas as cidades do mundo, a presión demográfica converteu os centros urbanos en caixas de plusvalías fáciles que trouxeron consigo a segunda fuxida, agora da urbe aos contornos, propiciada pola universalización do coche e as infraestruturas viarias.