Dor crónica

Servando López Álvarez PRESIDENTE DA ASOCIACIÓN GALEGA DE ANESTESIOLOXIA, REANIMACIÓN E DOR

OPINIÓN

HOSPITAL UNIVERSITARIO DE TORREJ

30 jun 2021 . Actualizado a las 05:00 h.

Anestesioloxía é unha especialidade pouco coñecida pola cidadanía. Os cambios producidos na última década situáronnos como líderes na garantía dunha cirurxía segura e tamén nos coidados críticos. Este último papel viuse reforzado durante a pandemia, pero abarcamos outras áreas de traballo menos coñecidas. Participamos en todo o proceso operativo de transplantes de órganos sólidos e lideramos os equipos multidisciplinares que tratan a dor aguda e crónica.

A dor crónica é un importante problema de saúde pública, en aumento polo cada vez maior número de persoas maiores. Afecta a un 20 % da poboación e consume moitos recursos económicos: ata un 2,5 % do PIB, o que representa en torno aos 16.000 millóns de euros ao ano.

O noso papel neses equipos multidisciplinares é avaliar cadros de difícil control da dor e determinar cales son os tratamentos mais acaídos; o obxectivo, eliminar ou minimizar o impacto da dor para lograr unha boa calidade de vida.