Aerosois e máscaras


Durante meses dixéronnos que o covid-19 non se transmitía polo aire. E agora resulta que, xunto ás pingas, que, segundo dicían , caían ao chan e alí morrían, hai outras moi finas, que flotan no aire e aí mantéñense durante minutos, listas para buscar unha mucosa humana. 

Tamén durante meses dixéronnos que debemos usar as máscaras hixiénicas ou cirúrxicas, e como usalas: lavalas as mans antes e despois de poñelas, non tocalas excepto nas gomas, non tocarse a cara mentres a levamos posta, non quitala para tusir ou esbirrar… E para soarse? Ou deixamos caer nelas os mocos? E todo isto para protexer aos outros, porque a nós non nos protexe dos virus de quen vai sen máscara, que son moitos. Eu saio todos os días a andar con máscara cirúrxica, e adiántanme ou me cruzo con decenas de corredores, sen máscaras, que refolgan a pleno pulmón. E tamén con xente a quen non lles dá a gana de poñela. As beirarrúas non son moi anchas e se un se baixa á calzada corre o risco de ser atropelado. Imaxinen a cantidade de aerosois que se depositan sobre os que saímos con esa máscara azul. Por que seguen recomendándoa? Non se me ocorre máis razón que o prezo das FFP ou as N95.

Por que non se subvenciona a fabricantes para conseguir máscaras protectoras a un prezo alcanzable ? Ou por que non se toman medidas drásticas para que todo bicho vivinte leve as cirúrxicas? Neste momento, o que temos no mercado son máscaras para protexerse a un mesmo desde tres euros (e un só uso ), e as que protexen aos outros, as de 0,90. Ou sexa, máscaras para clase alta e máscaras proletarias.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
30 votos
Tags
Comentarios

Aerosois e máscaras