Natalidade e demagoxia


Non sexan demagogos. E non permitamos isto. Non se pode tomar a prohibición do aborto como unha medida para o incremento da natalidade.

Non. Non poden asegurarnos sen pestanexar que a maior parte das mulleres realizan esta práctica pola dificultade de conciliar, e quedar tan panchos. Primeiro, porque os datos non referendan ditas afirmacións, pero tamén porque non se poden mesturar certas cousas.

Moito ollo. Queren incrementar a natalidade? Perfecto. A min tamén me gustaría ter unha sociedade máis nova. Pero non deixar abortar non é a solución, dende logo. Déannos axudas. Si, a nós, ás mulleres. As únicas, por certo, que podemos saber o que significa abortar.

Pero non nos dean uns euros aos mes. Non. Iso non nos soluciona a vida. Déannos xornadas laborais que permitan desenvolvernos como mulleres e profesionais que somos, pero tamén manter a maternidade. E para todo iso necesitamos servizos razoables e axeitados, con horarios compatibles co traballo e con prezos que correspondan ao nivel de vida.

Escóitenme unha cousa... un aborto non é un xogo. É pasar por un quirófano. E isto sempre implica risco. Pensan que unha persoa o fai por gusto? Que é agradable? Que o corpo e a mente non se inmutan por isto?

Sexamos serios e deixemos a demagoxia. Oféndeme que digan que o aborto é un método de conciliación. Por aí non vou pasar. E dáme igual o partido que o diga. Vai moito máis alá dunha cuestión política, falamos dos dereitos das mulleres.

E non lixen un dos mellores discursos da historia dos premios Goya. Xa está ben!

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
36 votos
Comentarios

Natalidade e demagoxia