O crego da relatividade


Cando Albert Einstein presentou en 1915 a teoría da relatividade, observou que a súa ecuación describía un Universo que non era estático. Para facer que quedase parado, meteulle un parche á ecuación. En 1927 un talentoso cura católico belga, Georges Lemaître, decatouse de que a ecuación orixinal de Einstein (sen parche) describe un Universo en expansión. Lemaître, un consumado experto na teoría da relatividade, deduciu ademais unha importante lei que simboliza dita expansión: «canto máis lonxe está unha galaxia, máis rápido se afasta de nós». Por desgraza, o descubrimento non tivo moito eco.

En 1929 o astrónomo norteamericano Edwin Hubble (o seu apelido dá nome ao popular telescopio orbital) chegou á mesma conclusión, a base de cotexar datos de distancias de galaxias coas súas velocidades respecto a nós. Agora si houbo eco: Hubble era famoso por ter descuberto 5 anos antes que a Vía Láctea e só unha galaxia e non todo o Universo (o concepto de galaxia non era algo moi claro antes do seu descubrimento). A lei foi chamada «de Hubble», esquecendo que Lemaître xa a descubrira 2 anos antes. Cóntolles isto porque a Unión Astronómica Internacional vén de facer xustiza histórica, cambiando o nome desa lei, que a partir de agora se chamará «de Hubble-Lemaître».

Por certo, o talento do cura belga non quedou aí: observando que o Universo infla co paso do tempo, en 1931 pensou que, tirando cara ao pasado, tiña que ser cada vez máis pequeno, ata rematar nun punto. O punto da orixe. Lemaître foi tamén o pai do Big Bang.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
33 votos
Comentarios

O crego da relatividade