Mellor escribo novelas


Alertados pola atención dedicada pola CNN ao caso catalán, os habitantes de Guanajuato (México) non falaban doutra cousa: pero que vai ser do Barça? E nós, que entre o jetlag e as emocións na pel, almorzabamos ovos picantes con convocatoria de eleccións e ceabamos carnitas con chile e declaración da independencia, non sabiamos moi ben que contestar. Percorremos medio México en bus co dato non comprobado de que só Osetia recoñecera a nova República catalá, así que quizais tiñan razón os meus anfitrións e era certo que, cando un país occidental se declara independente, o verdadeiro problema internacional é a incerteza dun equipo de fútbol que move millóns de euros e de corazóns.

 

Entre tanto, unha mensaxe baixábame ao mundo: «Para un europeo de clase media do século XXI é máis fácil facer a xihad cá revolución independentista: pegar tiros fronte á insurrección fiscal». E souben así que a opereta chegara ao seu fin.

En realidade, sempre fun máis daquelas revolucións románticas nas que as grandes palabras aínda daban para novelas. Zapata, Pancho Villa, o subcomandante Marcos... Aí estaba eu, nun país con experiencia en revolucionarios discutíbeis, manchados con po e sangue, pero máis literarios ca eses europeos correntes que valen máis para un thriller político ca para unha verdadeira revolución de novela. E si, agardando polo avión de volta, comprobei que o que quedaba da miña esperanza revolucionaria incorría na súa última contradición: proclamar unha república e liscar a unha das máis rancias monarquías de Europa. Tranquilos, que o Barça aí segue, dígolles aos amigos mexicanos. O único que quedou tocado en todo este procès é o meu romanticismo revolucionario.

En realidade, sempre fun máis daquelas revolucións románticas nas que as grandes palabras aínda daban para novelas. Zapata, Pancho Villa, o subcomandante Marcos...

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
22 votos
Comentarios

Mellor escribo novelas