Covardes


Habitualmente escoitamos que as «novatadas» son unha especie de «ritual de paso» para entrar nun grupo humano determinado (residencias universitarias, fraternidades). Asemade, non é estraña a publicación de novas que fan referencia a agresións, vexacións e incluso mortes por mor das devanditas «novatadas».

Non sei se é «deformación» profesional ou persoal; o caso é que a cotío reflexiono sobre a evolución da raza humana, dubidando cada vez máis, da mesma; invadíndome unha sensación de gran decepción e tristura pola nosa, coido que, evidente involución.

Ata que punto é preciso, no século XXI, dar continuidade a actos (porque para min non

merecen o calificativo de rituais) denigrantes, que atentan contra a dignidade das persoas? Tanto os que executan estas agresións, físicas e psicolóxicas, coma os espectadores/consentidores das mesmas, son igualmente responsables e tanto estes, coma os que sofren ditas agresións, son un reflexo da sociedade na que vivimos; unha sociedade doente e chea de carencias, frustracións e conflitos emocionais.

A perigosa frustración leva a uns a crerse poderosos tiranizando a alguén, do xeito máis covarde e a baixa autoestima, leva a outros a amosarse sumisos, polo medo a ser rexeitados, ou o que é o mesmo, na procura da aceptación.

Nesta sociedade hai que pagar unha peaxe por ser un mesmo e ter unha identidade e unha

autoestima sólidas, para non pretender a aceptación a calquera prezo.

Por que non se imparte educación emocional nas escolas?

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
7 votos
Comentarios

Covardes