Diversidades

Cristina Pato
Cristina Pato A ARTE DA INQUEDANZA

OPINIÓN

15 sep 2017 . Actualizado a las 05:00 h.

Coñecín a Lua Awel nunha cafetería de Nova York, e con ela aprendín que hai unha vida, un xeito de comunicación, que nunca tivera experimentado antes. Lua estaba no colo da súa nai Ugia, e baixo a atenta mirada do seu pai Pierrot, percorría co seu movemento continuo o universo sensorial que nos rodea e que non somos capaces de ver.

Viñan dunha terapia que é difícil de atopar no noso recanto do mundo: o mundo do neuromovemento, acuñado pola terapeuta israelí-americana Anat Baniel que seguindo a Feldenkrais desenvolveu a súa técnica ao redor do poder do movemento na plasticidade cerebral, o método ABM.

Ugia é a cantante Ugia Pedreira (Marful, Central Folque). Pero eu aínda non coñecera a Ugia a nai, a nai de Lua, unha fermosa nena con leucomalacia, microcefalia e atrofia cerebral.