Mike Oldfield


Por diferentes casualidades e circunstancias é certo que Mike Oldfield estivo na Coruña poucas datas antes de gravar o seu Tubular Bells II, e un dos lugares escollidos durante a súa estancia foi o Playa Club a onde chegou por medio da súa compañía discográfica, e por cortesía do meu amigo e sabio da música Nonito Pereira, que exerceu de anfitrión para unha audición de música folk galega… Vaia tela! 

A cita foi nese local unha noite de novembro, e alí fomos convocados (Luar Na Lubre) ás 21 horas para lle ofrecer un pequeno concerto sen ter moi claro que Oldfield, daquela unha gran referencia da música contemporánea, fose aparecer. E vaia se apareceu, acompañado de outras tres persoas entre as que ía o tamén músico e produtor Tom Newman. O concerto foi privado, cun repertorio de circunstancias e para un público limitado entre os que só había amigos moi directos e pouco máis. Foi emocionante, e cando xa estabamos a piques de rematar, o propio Mike achegouse ao escenario para pedir que tocásemos dous temas do noso repertorio que lembro perfectamente: A frol da auga e O son do ar. E claro!, imaxinade a miña sorpresa ao escoitar da súa boca este requerimento. O asunto explícase porque daquela a compañeira do británico era galega e tiña unha cinta cassette do noso primeiro traballo discográfico (O son do ar), que polo visto, escoitaban nas viaxes que facían. Así que, Oldfield, cando chegou á Coruña xa nos coñecía. E xa no tramo final do concerto pedímoslle que subira a tocar con nós. Sen pensalo, colleu un bodhran e acompañounos. A noite foi longa de conversas e músicas e alí se concretou o encargo dunha gaita galega e algo máis. Pouco despois editou a súa versión de O son do ar no cedé Voyager e o que foi vindo…

Autor Bieito Romero Músico

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
29 votos
Comentarios

Mike Oldfield