A luz do Nobel


E n moitas zonas do mundo rural galego gardamos a imaxe dun montón de pitiños comendo fariña ao carón dunha das clásicas «bombillas». Esa lámpada non estaba alí para darlles luz, senón calor, e é que ese invento de Thomas Alva Edison (en 1880) era máis unha estufa que unha fonte de luz: só un 10% da súa enerxía se empregaba en alumear, o resto estragábase en forma de calor. Dado que a cuarta parte do consumo eléctrico do noso planeta se destina a iluminación, comprenderán o avance que supuxo, nos anos noventa, o descubrimento dunha nova forma de alumear (o LED branco) que apenas perde enerxía por calor, consome 20 veces menos e dura 100 veces máis. Os LED xa existían, pero en tonalidades verde e vermella e iluminaban pouco. Tres xaponeses deron feito un que emitise luz azul, o camiño para obter luz branca. Un deles tamén desenvolveu un láser moi pequeno de luz azul, base dos dispositivos Blu-ray.

Hai dous anos, o premio nobel xaponés Ei-ichi Negishi dicía en Galicia que a Academia Sueca tiña unha débeda pendente con eles tres compatriotas seus.

Pois ben, débeda saldada: veñen de recibir o Premio Nobel de Física 2014. Xapón supera xa a barreira dos vinte Nobel.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
29 votos

A luz do Nobel