| O |
04 jun 2003 . Actualizado a las 07:00 h.Ser imbécil está de moda. A intelixencia, sen embargo, cotiza á baixa. Excepto a intelixencia dos estafadores, tramposos especializados en altas finanzas, executivos da Telefónica, etcétera. A intelixencia destes individuos de perfil de sepultura, córvidos, engrandécese. A operación de Terra, que a pagan por menos da metade do que a venderon, representa o paradigma da intelixencia depredadora. Non estaría de máis que esta tropa de estafadores (estafadores, reitero) encerrasen os seus corpos benpagados en Hotel Glam, onde a súa intelixencia superlativa tería que enfrontarse á inmundicia máis coprófila. A náusea do televidente sería maior. La Yola, el Dinio, el rubio y la Tamara, fixeron da mentecatez unha asignatura superior. Algúns universitarios contemplan este espectáculo e recitan as súas fazañas antes de redactar, en exame final, os seus coñecementos sobre o existencialismo sartreano, os cosenos, logaritmos neperianos, físicas cuánticas. Ser imbécil está de moda. Eu síntome así, sinceramente. Un imbécil máis, un estafado. E mentres o meu sentido de home humillado aumenta, eles, las Yolas y los ejecutivos de Telefónica, se menean al ritmo de la música de Sardá, tan de izquierdas y tan libertario. ¡Qué asco!