Lugo: A aplicación que reduce o contacto na hostelería de Lugo

Das mesas dos bares desapareceron tras o estado de alarma os panos de mesa, as cartas e todo aquilo que puidera pasar por varias mans. A tecnoloxía apresurouse para dotar á clientela de ferramentas que lle permitiran salvar as limitacións. Así foi como dous lucenses crearon a aplicación para móbiles Bar Important People (BIP), coa que dotar aos hostaleiros dun recurso co que reducir o contacto social. A cafetería Cook de Lugo vén de incorporala e xa son decenas as persoas que fan o seu pedido desde a mesa e mesmo pagan a través do móbil. «A interacción é menor, pero que desapareza o camareiro é imposible», afirma o xerente, Suso Díaz.