Multiplicación


A chegada do verán e a finalización do estado de alarma potencia en nós as ganas de recuperarmos os xeitos de vida e os hábitos de antes da pandemia e, sobre todo, as ansias de retomarmos o contacto coa natureza e a xente.

A fin de semana pasada, segundo datos oficiais, triplicouse (respecto á anterior) o número de persoas que fixeron a ruta en catamarán pola ribeira Sacra. Aparentemente, é un dato sinxelo; mais coido que expresa, con enorme forza ilustrativa, a aceleración que estamos tomando nesta desescalada. Nos mesmos días en que se comezaba a falar dos primeiros reagromos na área do Barbanza, en Lugo difundiuse unha foto que causou indignación polo desleixo que transmitía: o xentío gozando do ocio nocturno, maioritariamente sen máscaras e sen gardar as distancias mínimas. Ao parecer, a instantánea foi tomada na noite do sábado ao domingo.

Máis o curioso é que moitas persoas, os mesmos que estamos a facer esta reflexión, incorremos en imprudencias e logo escandalizámonos de certos comportamentos irregulares. Isto non é novo. Trátase da vella tendencia a vermos o argueiro no ollo alleo e ignorar no noso o fungueiro; alimentada por outra tendencia tamén constatable: a de minimizarmos o noso propio risco e pensarmos que este afecta só aos demais.

Estamos deixando atrás o período escuro do confinamento. Devecemos por un verán cheo de ledicia e experiencias. Máis poida que a realidade non o permita tan alegremente. Coma en tantas cousas, cómpre atoparmos un punto intermedio. Para non sermos dos que saen na foto e logo se indignan. Ou dos que primeiro actúan con irresponsabilidade e logo se queixan.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Multiplicación