Conferencias sobre romanos e castrexos

Catro destacados especialistas abordarán diferentes aspectos antes do inicio do Arde Lucus

.

A concelleira de Cultura, Carmen Basadre, presentou a programación de conferencias que ten preparadas o Concello para os vindeiros días como colofón ao Arde Lucus Cultural, que nos últimos tres meses ofreceu medio cento de actividades, previas ao Arde Lucus. No acto estivo presente o arqueólogo municipal, Enrique González, así como o presidente da asociación de recreación histórica Cohors III, que colabora na programación de charlas, Miguel Alvelo, e outros membros da directiva deste colectivo. O ciclo de conferencias engloba catro charlas. Arrincará este venres cunha charla sobre gandería, caza e animais de compañía na Galicia romana. O doutor en Xeografía e Historia na Universidade de León, Carlos Fernández Rodríguez, será o encargado de inaugurar este programación. A seguinte terá lugar o luns 11, a cargo do arqueólgo Xurxo Ayán, que contará as memorias dun esquelete: etnoarqueoloxía no campo santo medieval do Castro de San Lourenzao en Cereixa, situado na Pobra do Brollón. Ao día seguinte, o día 12, será a quenda de Rafael María Rodríguez, quen falará sobre o xacemento da Lanzada. O ciclo pecharase o mércores 13, da man da exarqueóloga municipal, Covadonga Carreño, cunha ponencia sobre a primeira praza pública de Lugo: O Foro Romano. Todas as conferencias serán ás 20.00 horas no Vello Cárcere.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Conferencias sobre romanos e castrexos