A sesión ofrecerase este sábado no mercado de Nadal organizado polo concello
30 dic 2025 . Actualizado a las 11:59 h.O municipio de Pantón acollerá este sábado o espectáculo «Filipa cos contos», da compañía Bandullo Azul, dirixida ao público familiar. A función está organizada pola Mesa pola Normalización Lingüística (MNL) en colaboración co Concello. Con esta iniciativa, sinalan desde a primeira destas entidades, preténdese «normalizar o galego entre os máis pequenos e tamén achegarse ao público para visibilizar a súa presenza nos concellos do sur de Lugo, dando a coñecer o seu traballo».
O espectáculo ofrecerase ás 11.00 horas no mercado de Nadal que organizará o Concello no centro sociocultural. A MNL levará ademais materiais en lingua galega, como libros, láminas para colorerar e adhesivos. «Filipa cos contos», sinalan así mesmo desde esta entidade, é unha «sesión de contos tradicionais, populares e inventados» acompañados de música en directo.
O mercado de Nadal celebrarase na praza do Concello durante os próximos días 3 e 4, de 11.00 a 19.00 horas. Haberá postos de artesanía e alimentación, así como actividades e obradoiros infantís.