07 jul 2003 . Actualizado a las 07:00 h.
?s obras que se executan no paseo do Malecón despertan cada día a curiosidade de numerosos veciños de Monforte, que se deteñen con frecuencia a observalas. Un dos aspectos que máis chaman a atención é o feito de que, a consecuencia das escavacións realizadas na beira e no leito do río, agora só exista un brusco terraplén dun par de metros de altura nunhas zonas onde a marxe tiña uns rebordes que se elevaban a penas uns palmos sobre a superficie das augas. Este é o caso, sobre todo, do tramo máis próximo á pasarela de madeira, que pode verse na fotografía da esquerda. É un dos múltiples cambios que está a experimentar o río.